ਬਜਟ ਵਿੱਚ ਹੋਏ ਇੱਕ ਵੱਡੇ ਫੈਸਲੇ ਦੇ ਕਾਰਨ ਕਿਸਾਨਾਂ ਨੂੰ ਭਾਰੀ ਨੁਕਸਾਨ ਹੋਣ ਵਾਲਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕਿਸਾਨਾਂ ਨੂੰ ਕਈ ਰਾਜਾਂ ਵਿੱਚ ਖਾਦਾਂ ਖਰੀਦਣ ਲਈ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇੱਥੇ ਤੱਕ ਕਿ ਸਭਤੋਂ ਮਹੱਤਵਪੂਰਣ ਖਾਦ ਯੂਰੀਆ ਦੀ ਕਮੀ ਵੀ ਦੇਖਣ ਨੂੰ ਮਿਲੀ ਹੈ। ਜਿਸਦੇ ਕਾਰਨ 266 ਰੂਪਏ ਪ੍ਰਤੀ 45 ਕਿੱਲੋਗ੍ਰਾਮ ਦੇ ਗੱਟੇ ਨੂੰ ਕਿਸਾਨ 340 ਰੂਪਏ ਤੱਕ ਬਲੈਕ ਵਿੱਚ ਖਰੀਦਣ ਲਈ ਮਜਬੂਰ ਹਨ।
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਵਿੱਤ ਸਾਲ 2020–21 ਦਾ ਬਜਟ ਪੇਸ਼ ਕਰਦੇ ਹੋਏ ਖੇਤੀਬਾੜੀ ਵਿੱਚ ਵਰਤੀਆਂ ਜਾਣ ਵਾਲੀਆਂ ਰਸਾਇਣਿਕ ਖਾਦਾਂ ਲਈ 71,309 ਕਰੋੜ ਰੂਪਏ ਦਾ ਐਲਾਨ ਕੀਤਾ ਹੈ। ਜਿਸ ਵਿੱਚ 47,805 ਕਰੋੜ ਰੁਪਏ ਯੂਰੀਆ ਲਈ ਅਤੇ ਪੋਸ਼ਕ ਤੱਤ ਆਧਾਰਿਤ ਖਾਦਾਂ ਲਈ 23,504 ਕਰੋੜ ਰੂਪਏ ਦਾ ਐਲਾਨ ਕੀਤਾ ਗਿਆ ਹੈ।
ਯਾਨੀ ਕਿ ਸਰਕਾਰ ਨੇ ਪਿਛਲੀ ਵਾਰ ਦੇ ਮੁਕਾਬਲੇ ਇਸ ਸਾਲ ਖਾਦਾਂ ਲਈ 8,690 ਕਰੋੜ ਰੂਪਏ ਦੀ ਕਟੌਤੀ ਕੀਤੀ ਹੈ। ਜਿਸ ਵਿੱਚ 5,824 ਕਰੋੜ ਰੂਪਏ ਯੂਰੀਆ ਲਈ ਅਤੇ 2,863 ਕਰੋੜ ਰੂਪਏ ਦੀ ਕਟੌਤੀ ਪੋਸ਼ਕ ਤੱਤਾਂ ਲਈ ਕੀਤੀ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਦੇਸ਼ ਵਿੱਚ 2013 ਤੋਂ ਲੈ ਕੇ 2018–19 ਤੱਕ ਯੂਰੀਆ ਦਾ 225 ਲੱਖ ਮੀਟਰਿਕ ਟਨ ਤੋਂ ਜ਼ਿਆਦਾ ਉਤਪਾਦਨ ਸੀ ਪਰ ਸਾਲ 2019–20 ਵਿੱਚ ਇਹ ਉਤਪਾਦਨ ਘੱਟ ਕੇ ਸਿੱਧਾ 138.28 ਲੱਖ ਮੀਟ੍ਰਿਕ ਟਨ ਹੋ ਗਿਆ ਹੈ।
ਯਾਨੀ ਕਿ 2019–20 ਵਿੱਚ ਯੂਰਿਆ ਦੇ ਉਤਪਾਦਨ ਨੂੰ 111.72 ਲੱਖ ਮੀਟ੍ਰਿਕ ਟਨ ਘੱਟ ਕਰ ਦਿੱਤਾ ਗਿਆ ਹੈ। ਜਿਸਦਾ ਅਸਰ ਇਸ ਵਾਰ ਹਾੜ੍ਹੀ ਅਤੇ ਸਾਉਣੀ ਦੀਆਂ ਫਸਲਾਂ ਉੱਤੇ ਦੇਖਣ ਨੂੰ ਮਿਲਿਆ ਹੈ। ਸਰਕਾਰ ਦੁਆਰਾ ਖਾਦਾਂ ਦੇ ਉਤਪਾਦਨ ਦੇ ਨਾਲ ਨਾਲ ਆਯਾਤ ਨੂੰ ਵੀ ਘੱਟ ਕਰ ਦਿੱਤਾ ਗਿਆ ਹੈ। ਜਿਸ ਕਾਰਨ ਕਿਸਾਨਾਂ ਨੂੰ ਖਾਦਾਂ ਉਨ੍ਹਾਂ ਦੀ ਜ਼ਰੂਰਤ ਤੋਂ ਘੱਟ ਮਿਲ ਰਹੀਆਂ ਹਨ ਅਤੇ ਇਸੇ ਕਾਰਨ ਆਉਣ ਵਾਲੇ ਸਮੇਂ ਵਿੱਚ ਕਿਸਾਨਾਂ ਨੂੰ ਭਾਰੀ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।