ਪਸ਼ੁਪਾਲਕ ਕਿਸਾਨਾਂ ਲਈ ਕੇਂਦਰ ਸਰਕਾਰ ਦੁਆਰਾ ਨਵੀਂ ਯੋਜਨਾ ਸ਼ੁਰੂ ਕੀਤੀ ਜਾ ਰਹੀ ਹੈ ਜਿਸਦਾ ਕਿਸਾਨਾਂ ਨੂੰ ਕਾਫ਼ੀ ਫਾਇਦਾ ਮਿਲੇਗਾ। ਇਸ ਯੋਜਨਾ ਦੇ ਤਹਿਤ ਕਿਸਾਨਾਂ ਨੂੰ ਡੇਅਰੀ ਫਾਰਮਿੰਗ ਲਈ 7 ਲੱਖ ਦਾ ਲੋਨ ਅਤੇ ਉਸਤੇ 25% ਸਬਸਿਡੀ ਦਿੱਤੀ ਜਾਵੇਗੀ। ਭਾਰਤ ਖੇਤੀ ਲਈ ਤਾਂ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੈ ਹੀ, ਨਾਲ ਹੀ ਪਸ਼ੁਪਾਲਨ ਵੀ ਇਸਦਾ ਇੱਕ ਮਹੱਤਵਪੂਰਣ ਅੰਗ ਰਿਹਾ ਹੈ।
ਬਹੁਤ ਸਾਰੇ ਕਿਸਾਨ ਖੇਤੀ ਨੂੰ ਛੱਡਕੇ ਪਸ਼ੁਪਾਲਨ ਵਿੱਚ ਆ ਰਹੇ ਹਨ ਕਿਉਂਕਿ ਪਸ਼ੁਪਾਲਨ ਕਿਸਾਨਾਂ ਲਈ ਕਾਫ਼ੀ ਮੁਨਾਫਾ ਦੇਣ ਵਾਲਾ ਪੇਸ਼ਾ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਪੇਸ਼ੇ ਵਿੱਚ ਕਿਸਾਨਾਂ ਨੂੰ ਘਾਟਾ ਹੋਣ ਦੀ ਸੰਭਾਵਨਾ ਬਹੁਤ ਹੀ ਘੱਟ ਹੁੰਦੀ ਹੈ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਕੇਂਦਰ ਦੀ ਮੋਦੀ ਸਰਕਾਰ ਨੇ ਕਿਸਾਨਾਂ ਲਈ ਡੇਅਰੀ ਇੰਟਰਪ੍ਰੇੰਨਿੋਰ ਡਵੈਲਪਮੈਂਟ ਸਕੀਮ ਦੀ ਸ਼ੁਰੁਆਤ ਕੀਤੀ ਹੈ।
ਜਿਸਦੇ ਅਨੁਸਾਰ ਪਸ਼ੁ ਵਿਭਾਗ ਦੁਆਰਾ 10 ਮੱਝਾਂ ਵਾਲੀ ਡੇਅਰੀ ਨੂੰ 7 ਲੱਖ ਦਾ ਲੋਨ ਦਿੱਤਾ ਜਾਵੇਗਾ। ਖਾਸਿਅਤ ਇਹ ਹੈ ਕਿ ਇਸ ਵਿੱਚ ਹਰ ਵਰਗ ਲਈ ਸਬਸਿਡੀ ਉਪਲੱਬਧ ਹੈ। ਦੱਸ ਦੇਈਏ ਕਿ ਪਹਿਲਾਂ ਵੀ ਸਰਕਾਰ ਦੁਆਰਾ ਕਾਮਧੇਨੁ ਅਤੇ ਮਿਨੀ ਕਾਮਧੇਨੁ ਯੋਜਨਾ ਚਲਾਈ ਗਈ ਸੀ, ਪਰ ਉਸ ਯੋਜਨਾ ਵਿੱਚ ਪਸ਼ੁ ਪਾਲਣ ਲਈ ਕਿਸਾਨਾਂ ਨੂੰ ਵੀ ਮੋਟੀ ਰਕਮ ਲਗਾਉਣੀ ਪੈਂਦੀ ਸੀ।
ਉਸ ਯੋਜਨਾ ਦੀਆਂ ਕੁਝ ਅਜਿਹੀਆਂ ਸ਼ਰਤਾਂ ਵੀ ਸਨ ਜੋ ਹਰ ਕਿਸਾਨ ਪੂਰੀਆਂ ਨਹੀਂ ਕਰ ਪਾਉਂਦਾ ਸੀ। ਪਰ ਹੁਣ ਖਾਸਕਰ ਪਿੰਡਾਂ ਵਿੱਚ ਲੋਕਾਂ ਨੂੰ ਰੋਜਗਾਰ ਦੇਣ ਅਤੇ ਦੁੱਧ ਉਤਪਾਦਨ ਨੂੰ ਵਧਾਉਣ ਲਈ ਕੇਂਦਰ ਸਰਕਾਰ ਦੁਆਰਾ ਡੇਅਰੀ ਇੰਟਰਪ੍ਰੇੰਨਿੋਰ ਡਿਵੈਲਪਮੈਂਟ ਸਕੀਮ ਸ਼ੁਰੂ ਕੀਤੀ ਗਈ ਹੈ।
ਇਸ ਯੋਜਨਾ ਦੇ ਅਨੁਸਾਰ ਸਰਕਾਰ ਵੱਲੋਂ ਫਾਇਲ ਮਨਜ਼ੂਰ ਹੁੰਦੇ ਹੀ ਸਿਰਫ ਦੋ ਦਿਨ ਦੇ ਅੰਦਰ ਸਬਸਿਡੀ ਦੇ ਦਿੱਤੀ ਜਾਵੇਗੀ। ਇਸ ਯੋਜਨਾ ਵਿੱਚ ਸਰਕਾਰ ਜਨਰਲ ਵਰਗ ਨੂੰ 25 ਫ਼ੀਸਦੀ ਅਤੇ ਔਰਤਾਂ ਅਤੇ SC ਵਰਗ ਨੂੰ 33 ਫ਼ੀਸਦੀ ਸਬਸਿਡੀ ਸਿੱਧਾ ਸੰਚਾਲਕ ਦੇ ਬੈਂਕ ਖਾਤੇ ਵਿੱਚ ਦੇਵੇਗੀ। ਇਸ ਯੋਜਨਾ ਬਾਰੇ ਪੂਰੀ ਜਾਣਕਾਰੀ https://www.nabard.org/content.aspx?id=591 ਵੇਬਸਾਈਟ ਤੋਂ ਪ੍ਰਾਪਤ ਕਰੋ।
